.png)
DERMALUXE Medical Group အနေဖြင့် KINGS International School နှင့် အသိပညာမျှဝေခြင်းဆိုင်ရာ နားလည်မှုစာချွန်လွှာ (MOU) လက်မှတ်ရေးထိုးနိုင်ခဲ့သည့်အတွက် အထူးပင် ဝမ်းမြောက်ပြီး စိတ်အားထက်သန်လျက်ရှိကြောင်း ဂုဏ်ယူစွာ ကြေညာအပ်ပါသည်။
ဤပူးပေါင်းဆောင်ရွက်မှု (Collaboration) သည် Dermaluxe ၏ လူမှုပတ်ဝန်းကျင်အပေါ် အကျိုးပြုလိုစိတ် နှင့် အရေပြားကျန်းမာရေးဆိုင်ရာ အသိပညာများ မျှဝေလိုစိတ် တို့ကို အခြေခံထားခြင်း ဖြစ်ပါသည်။
ဆယ်ကျော်သက်များ၏ အရေပြားကျန်းမာရေး စိန်ခေါ်မှုများ
မကြာသေးမီနှစ်များအတွင်း ဆယ်ကျော်သက် (Teenager) များအကြား ဝက်ခြံ (Acne) နှင့် အသားအရေဆိုင်ရာ ပြဿနာများကြောင့် ကုသမှုခံယူရန် ဆေးခန်းသို့ လာရောက်သူ သိသိသာသာ တိုးလာသည်ကို ကျွန်တော်တို့ DERMALUXE ဆေးခန်းမှ သတိပြုမိခဲ့ပါသည်။
ဆယ်ကျော်သက်အရွယ်သည် ဟော်မုန်းအပြောင်းအလဲများကြောင့် အသားအရေထိန်းသိမ်းမှုမှာ အထူးဂရုစိုက်ရမည့် အချိန်အခါဖြစ်ပြီး၊ မှားယွင်းသော ထိန်းသိမ်းမှုများကြောင့် ဝက်ခြံနှင့် အမာရွတ်များ ပိုဆိုးလာနိုင်ပါသည်။ အရေပြားပြဿနာများသည် ရုပ်ပိုင်းဆိုင်ရာသာမကဘဲ၊ စိတ်ပိုင်းဆိုင်ရာနှင့် လူမှုဆက်ဆံရေးပိုင်းတွင်ပါ ယုံကြည်မှု လျော့ကျခြင်း ကဲ့သို့သော အကျိုးဆက်များကို ဖြစ်ပေါ်စေနိုင်ပါသည်။
ပညာရေးနှင့် ကျန်းမာရေး ပေါင်းစပ်ခြင်း
DERMALUXE Medical Group ၏ ရည်ရွယ်ချက်မှာ-
- Teenager များအတွက် သင့်လျော်သော အသားအရေထိန်းသိမ်းမှုဆိုင်ရာ နည်းလမ်းများ။
- နေ့စဉ်ဘဝနှင့် သက်ဆိုင်သော အရေးကြီးသော အရေပြားကျန်းမာရေး ဗဟုသုတများ (ဥပမာ- နေရောင်ခြည်ကာကွယ်ခြင်း၊ စနစ်တကျ သန့်စင်ခြင်း) တို့ကို မျှဝေပေးမည့် အသိပညာပေး Session များ ကို ပြုလုပ်ခြင်းဖြင့် ကျောင်းသား၊ ကျောင်းသူများအား အကျိုးပြုရန် ဖြစ်ပါသည်။
KINGS International School သည် ဤအရေးကြီးသော ဗဟုသုတများကို မျှဝေပေးရန်အတွက် အကောင်းဆုံးနေရာတစ်ခု ဖြစ်ပါသည်။ Dermaluxe အနေဖြင့် အရေပြားကျန်းမာရေးဆိုင်ရာ ပြဿနာများကို စောစီးစွာ ကာကွယ်ခြင်းနှင့် ဖြေရှင်းခြင်းဖြင့် ကျောင်းသား၊ ကျောင်းသူများအား ကျန်းမာသော အသားအရေပိုင်ဆိုင်စေခြင်းဖြင့် ၎င်းတို့၏ ယုံကြည်မှုကို တိုးမြှင့်ပေးရန်အတွက် စိတ်အားထက်သန်စွာ ဆောင်ရွက်သွားပါမည်။
ကျွန်တော်တို့အနေဖြင့် KINGS International School နှင့်အတူ ပူးပေါင်းကာ ဤပညာပေးခရီးစဉ်ကို စတင်ရန် အထူးပင် ဝမ်းမြောက်မိကြောင်း ထပ်လောင်းပြောကြားလိုပါသည်။
